Mashruuca Shirkada Tiknoolajiyada Google ee ku wajahan Qaarada Afrika

Shirkada tiknoolajiyada aduunka hogaaminaysa ee dalka Maraykanka laga leeyahay ee Google ayaa qorshaynaysa inay ka qayb qaadato xal u helida shaqo la’aanta baahsan ee ka taagan qaarada Afrika iyadoo tababaro bilaasha siinaysa 1 Milyan oo dhalinyarada Afrikaanka ah oo lagu carbin doono khibrada tiknoolajiyada (Digital Skills) 12-ka bilood ee soo socda sida masuuliyiinta shirkadu ku iclaamiyeen shirjaraa’id oo ay ku qabteen magaalada Johannesburg ee dalka Koonfur Afrika.

Boqolkiiba 35 da’yarta da’doodu u dhexayso 15 ilaa 34 jir shaqo la’aan ayaa haysa, waxayna shirkada Google qorshaheeda ku darsatay in 300,000 qof ay tiknoolajiyada ku tababarto sanadkan gudihiisa, halka 400,000 Nigeria u dhashay iyo 200,000 Kenyan ahi ay laf ahaantoodu heli doonaan tababaradan (Digital Skills Training).

Dalalka saxaaraha ka hooseeya waxaa yagana laga soo xulan doonaa 100,000 qof si tababaradan tiknoolajiyada loo siiyo uguna shaqaystaan mustaqbalka. Qaarada Afrika waxa ay yeelan doonta 500 Milyan qof oo internetka isticmaala marka la gaadho sanadka 2020-ka. Sida cilmi baadhis Google samaysay iftiimisay isticmaalka internet-ka qaarada Afrika waxa uu boqolkiiba 41 kor u kacay intii u dhexaysay 2014 ilaa 2015-kii sida lagu shaaciyey warbixin ay soo saareen machadka daraasaadka cilmibaadhista internetka ee la yidhaahdo Telegraphy Global Internet Geography.

Shirkada Google oo xidhiidh ganacsi oo wadaaga la leh haayadda mutadawacnimada u shaqaysa ee Livity Africa oo dhalinyarada Afrikaanka barta khibrad ay ku shaqaysan karaan, taasoo hadda gacanta ku haysa laba barnaamij oo shirkada Google u dhiibtay si ay da’yarta uga caawiso xagga khibarada shaqo helidda.

Sidoo kale barnaamijkan dhalinyarada Afrikaanka ah lagu barayo tiknoolajiyada waxaa fulinaysa oo tababarada bixinaysa shirkad la yidhaahdo Digify Bytes oo ah shirkad khibrad badan u leh bixinta tiknoolajiyada dhinaca Digitalka sida lagu daabacay mareegta IT News Africa.

Barnaamijyadan ay shirkada Google waddo waxay hore uga bilaabmeen dalalka Nigeria, Kenya iyo Koonfur Afrika oo ilaa hada way socdaan, waxana lagu tallo jiraa in dadka la doonayo in khibradaas loo gudbiyo lagu gaadho muddo 12-ka bilood ee soo socda.

Waxaana haayadda mashruuca fulinaysa ee Livity caawinaya khuburo 65 qof ka kooban oo Google u xilsaartay in ay tababarada bixiyaan.

Hadafka ugu way nee barnaamijkan laga leeyahay waa in dhalinyaro 1 Milyan oo qaarada Afrika ku dhaqan la qalabeeyo loona gudbiyo khibrada tiknoolajiyada si ay dhinaca internet-ka iyo tiknoolajiyadaba uga caawiyaan  qaarada.

Internet-ku waa wadnaha dhaqaalaha kobcaya, barnaamijka xirfada tiknoolajiyada (Digital Skills) waxaa looga gol leeyahay in lagu caawiyo Afrika si ay dhinaca dhaqaalaha Dhijitaalka ama tiknoolajiyada uga mid noqoto. Qofkastaba Online guul buu ka gaadhi karaa, waxa uu ka bilaabi karaa ganacsigiisa, khibradiisa, aqoontiisa iyo jiritaankiisaba dadka wuu la wadaagi karaa. Hadalkan waxaa yidhi agaasimaha shirkada Google ee dalka Koonfur Africa Mr. Mackend.

@Dimage7maxspot

@Dimage8maxspot

+max younis dakhare 

By: Maxamed Dakhare

Fossil dog: New species roamed eastern North America 12 million years ago

Fossil dog: New species roamed eastern North America 12 million years ago: A doctoral student at the University of Pennsylvania has identified a new species of fossil dog. The specimen, found in Maryland, would have roamed the coast of eastern North America approximately 12 million years ago, at a time when massive sharks like megalodon swam in the oceans.



MDakhare

Maaha inay Tuugsadaan wadamada Afrikanka ahi,,,,,

Xoghayihii horee ee guud ee qaramada midoobay Kofi Annan ayaa sheegay in dalalka Afrikaanka ah ay joojiyaan tuugsiga iyo hoos dhigashada gacanta wadamada ajaanibta ah waa haddii ay rabaan wadamada Afrikaanka ahi madaxbanaani. Waa inay joojiyaan koofiyada lagu baryada tago taasoo sumcadii qaarada oo dhan waxyeelo gaadhsiisay.

Hadalkan ayuu Kofi Annan ka sheegay shir amaanka Afrika lagaga hadlayey oo lagu qabtay magaalada Addis Abba ee dalka Ethiopia. Wadamada Afrika waxay arinkan ugaga gudbi karaan haday dhisaan dhaqaalaha wadamadooda iyo haayadaha maaliyada, ismana laha waxaan ahay wadan xor aha hadana waxaan koofiyad la dhex wareegayaa caalamka waa inaan hogaanka qabataan dadka kalena ay na caawiyaan markaas.

Taageeradaas waxay imaanaysa marka nala arko inaan Afrikaan nahay dad wax qabsan kara oo ay waxqabshadu dhab ka atahay. Ayuu yidhi Mr. Annan

Intaa wuxuu ku daray in xubnaha wadamada Afrikaanka ah aysan bixin lacagihii uu kulahaa midowga Afrika taasina ay curyaamiday socoshadii hawsha uruka.

@Dimage6maxspot

 

 

By: Max Younis

Ciidamada Ingiriiska ee guddaha Somaliya 2016

Koox hordhac ah oo kooban 10 askari kana mida ciidamado Britain ayaa la sheegayaa in la geeyay gudaha wadanka Somaliya oo lagu taageerayo ciidamada nabad ilaalinta qarmada midoobey AMISOM  ee hore uga kala yimi dalalka Afrika ah ee midowga ka ah ururka AU-da. Sidoo kale waxa dawlada Britain sheegtay in muddooyinka soo socda ay xigi doonaan 70 askari oo kale oo British ah, oo ka caawin doona ciidamada AMISOM dhinacyada shaqada Logistics-ka ama shaqada xafiisyada iyo caafimaadka.

Xoghayaha gaashaandhiga wadanka Ingiriiska Mr. Michael Fallon ayaa sheegay in ciidamada ka socda Ingiriiska ay ka caawin doonaan hawlgalka Somaliya lagu ilaalinayo nabad gelyada iyo deganaanta dalka Somaliya iyo dagaalka lagula jiro kooxaha xag jirka ah. Somaliya waxa jooga ciidamo ka socda Afrika oo loo keenay Somaliya dhinaca ilaalinta iyo adkaynta nabadgelyada balse weli ma degana xaalada amaanka ee Somaliya. Alshabaab ayaa ah khatarta ugu wayn ee Somaliya haatan ka taagan waxayna wadaan dagaalo xasuuqa, qaraxyo iyo isbiimayn joogto ah.

Taas ayaana ah arinka ugu wayn ee hada loo baahan yahay in meesha laga saaro waana sababta haatan Somaliya loo keenay ciidamada cusub ee Britain waa sida uu hadalka u dhigay Mr. Michael’e.

@Dimage4maxspot

@image5maxspot

 

 

 

BBC.COM

 

By: Max Younis